Дагъустандин образованидин ва илимдин министерстводин пресс-къуллугъди аялрин “Орленок”, “Смена” (Краснодарский крайда авай) ва международный “Артек” центрайриз путевкаяр атанвайдакай  хабар гузва­.

14 (“Смена”) ва 21 йикъан  (“Артек”) сагъламвал хъсанардай  сменайрин  иштиракчияр­ мектебрин  5-10-классра кIелзавай аялар ва 11-17 йисара авай жаванар хьун мумкин  я.

Школайра кIелзавай аялрилай гъейри, центрайра  республикадин колледжрин студентривайни ял ягъиз жеда.

Министерстводин пресс-къуллугъди  къейдзавайвал, аялрин центрайриз  путевкаяр пулсуздаказ гузва (лагердиз фидай рекьиз­ акъатзавай харжияр галачиз), абур гудай ксар лагьайтIа,  аялрихъ кIелунин жигьетдай авай агалкьунриз килигна хкяда.

Месэладиз талукь алава делилар РД-дин образованидин ва илимдин министерстводай чириз жеда.

«Лезги газет»