Россиядин Банкунин Кьиблепатан управлениди финансрин рекьяй савадлувилин Ассоциациядин куьмекдалди 18-29-октябрдиз “Киберсавадлувилин гьафте” кьиле тухузва. Вебинарар ва интерактивар аялар, абурун диде-бубаяр, студентар, яшлу ксар, гьакIни муаллимар, волонтерар — жув ва хизан киберлутуйрикай хуьз кIанзавай вири ксар патал кьиле тухузва.
Онлайн-мярекатра пешекарри лутуяр гьикI чирдатIа ва абурун къурбандар тахьун патал вуч авуна кIандатIа, гьикI интернетдин куьмекдалди шейэр маса къачудатIа, ва, эгер куьн ва куь багърияр алцурарайтIа, вуч авуна кIандатIа, гьадакай суьгьбетзава.
Вебинаррин иштиракчийриз интернетдикай, рекъемрин технологийрикай менфят къачуна инсанар алцурарзавай къайдайрикай суьгьбетзава, инсанри луту-путуйрив чпи кIватIнавай пул вучиз хушуналди вугузватIа, гьадакай лугьузва, гьакIни финансрин рекье луту-путувилин тарих ахтармишзава.
“Киберсавадлувилин гьафте”, “Финансрин пирамидаяр”, “ЧIулав кредиторар” ва “Киберлутуяр” квестрин (къугъунрин) марафонди ачухна. ИкI, 19-октябрдиз кьиле фейи викторинади Дагъустандин агьалийриз лутуйрай кьил акъудиз ва шак физвай зенгер къвезвай дуьшуьшра лазим тир серенжемар кьабулиз чизватIа ачухариз куьмек гана.
Гьафтедин кьиляй-кьилиз кибергигиенадиз талукь вебинарар кьиле тухуда. Ачух эфиррик YouTube-да авай АРФГ каналдай экечIиз жеда.
Чи мухбир
