12 – майдиз Махачкъалада Россиядин Федерациядин Общественный палатадин член Султан Хамзаеван приемный (агьалийрин арзаяр кьабулдай чка) ахъаюниз талукьарнавай мярекат кьиле фена.

Приемныйдин кIвалахдин кьилин метлеб Дагъустандин агьалийрихъ галаз алакъа таъминарун я.

«Республикада гьялна кIанзавай месэлаяр бес кьадар ава, амма бязи вахтара инсанривай абур чкадал гьялиз жезвач. ГьикI лагьайтIа, хейлин месэлаяр федеральный дережадинбур я. Чун и карда куьмекар гуз алахъда», — лагьана Султан Хамзаева мярекатдал.

Султан Хамзаеван фикирдалди, ихьтин чка ахъаюн им жемиятда авай лап хци ва важиблу месэлаяр гьялунин жигьетдай алава майдан я.

Шагьисмаил Гьажимирзоев