Дербентда яшамиш жезвай 103 “афгъанви” ветерандив ва “афгъанвийрин” 24 хендедадив зурба меценат, сенатор Сулейман Керимован патай пулдин пишкешар агакьда. “Дербент” РИА-ди хабар гузвайвал, идан гьакъиндай Дербентдин кьил Хизри Абакарова малумарна.
Къейдзавайвал, и мукьвара Х. Абакароваз шегьердин Афгъанистандин ветеранрин Советдин векилри ЧIехи Гъалибвилин 75 йисан сергьятра аваз «афгъанвийриз» пулдин куьмек гунин патахъай теклиф гана.
10 “афгъанвидиз” гьардаз 100 агъзур, яшайишдин жигьетдай дарвиле авай са ветерандиз 1 миллион ва муькуьбуруз гьардаз 50 агъзур манат гуда. Талукь ксарив пулдин пишкешар 9-Майдалди агакьардайвал я.
РикIел хкин, идалай вилик Сулейман Керимова Ватандин ЧIехи дяведин ветеранриз-дагъустанвийриз гьар садаз 1 миллион ва блокадникриз гьар садаз 500 агъзур манат пул чара авунай.
«Лезги газет»
