Мукьвара чи арадай СтIал Сулейманан райондин Алкьвадрин хуьруьн мектебдин муаллим, тренер А.Ш.Агъамирзоев акъатна. Ам 1962-йисан 16-ноябрдиз Курхуьрел дидедиз хьана. 1977-йисуз хайи хуьруьн мектебда 8-класс акьалтIарайдалай кьулухъ А.Ш.Агъамирзоев Хасавюрт шегьердин З.Батырмурзаеван тIварцIихъ галай педагогвилин училищедин физический культурадин отделенидик экечIна.
Училище акьалтIарайдалай кьулухъ Аламишедин мектебда кIвалахна. Гуьгъуьнлай 2 йисуз Советрин Армиядин жергейра къуллугъна.
Армиядай хтайла, 1986-йисалди, Сардархуьруьн мектебда зегьмет чIугуна. 1986-йисалай инихъ А.Ш.Агъамирзоева Алкьвадрин хуьруьн мектебда физкультурадин тарсар гузвай. 2000-йисалай ада 1-нумрадин ДЮСШ-дани тренер яз кIвалахзавай. Мектебда кIвалахни ийиз, ада ДГПИ акьалтIарна. Хейлин йисара образованидин хиле намуслувилелди зегьмет чIугунай А.Ш.Агъамирзоев са жерге шабагьриз лайихлу хьана. Ам РД-дин образованидин отличник, РФ-дин умуми образованидин гьуьрметлу къуллугъчи, РД-дин лайихлу муаллим, зегьметдин ветеран тир.
А.Ш.Агъамирзоев кечмиш хьунихъ галаз алакъалу яз, чна рагьметлудан хизанриз, вири мукьва-кьилийриз, дериндай хажалат чIугунивди, башсагълугъвал гузва. Адан экуь къамат санал кIвалахай юлдашрин, ада чирвилер гайи аялрин рикIера амукьда.
Алкьвадрин хуьруьн мектебдин коллектив
