И мярекатди пуд диндин (мусурманрин, хашпарайрин, чувудрин) векилар садна. Иштиракчийрин арада Урусатдин жуьреба-жуьре регионрай ва са десте къецепатан уьлквейрай (Сирия, Египет, Белоруссия ва масабур) мугьман хьанвай государстводин, жемиятдин, диндин, илимдин векилар ава. Абурукай 200 кас кьван 14-35 йисарин яшара авай жегьилар я.
Жуьреба-жуьре динрал амалзавай халкьарин арада дуствал мягькемарунин жигьетдай еке метлеб авай мярекатдин сергьятра аваз и йикъара элкъвей столар, жуьреба-жуьре гуьруьшар, спортдин акъажунар, конкурсар, тренингар кьиле физва. Форумдин тешкилатчийри терроризмдин, экстремизмдин вилик пад кьунин месэлайризни кьетIен фикир ганва. И жигьетдай пуд секция кардик кутунва. Анрин иштиракчийри терроризмдиз аксивал авунин рекье международный тежриба ахтармишда, жегьилар дуьз рекьелай алудзавай къайдайрин вилик пад кьунин ва са жерге маса месэлаяр веревирдда.
«Лезги газет»
