Дагъустандин культурадин министерстводин пресс-къуллугъди хабар гузвайвал, Вирироссиядин “Пушкинан карта” программадин иштиракчийрин кьадар 6 миллиондив агакьнава, яни 14 йисалай 22 йисалди яшда авай 6 миллион жегьилди и картадикай менфят къачузва. И рекъемди чи уьлкведа винидихъ къалурнавай яшара авай агьалийрин тахминан са пай тешкилзава…
Программадин регьбер Александр Минаеван гафаралди, “Пушкинан картадикай” гзафни-гзаф кинотеатрриз фин патал менфят къачузва. Чи уьлкведин 80% кинозалри и программада иштиракзавайди фикирда кьурла, анриз фин патал къачузвай гьар пуд лагьай билет “Пушкинан картадин” такьатралди кьилиз акъудзава. Ихьтин мумкинвили кинотеатррин кIвалахдик йигинвал кутуна.
Идалайни гъейри, “Пушкинан картадин” такьатрин гьисабдай медениятдин идарайрикай виридалайни гзаф физвайбурук Третьякован галерея, “Федерация” башнядин килигдай майдан, Эрмитаж, Исааковский собор ва Госмузей, заповедник “Петергоф” акатзава. Театррин арада лагьайтIа, Москвадин жегьилрин дворецдихъ, Мириинский, Новосибирскдин операдин ва балетдин академический, Чечнядин Нурадилован тIварунихъ галай драмадин театррихъ галаз санал Махачкъаладин М.Горькийдин тIварунихъ галай Урусрин драмтеатрни ава.
Регина Семедова
