Дербентда шаз ва алай йисан 8 вацра къанунсуздаказ эцигнавай 364 дарамат чу­кIур­нава. Идакай “Лезги газедиз” шегьердин ад­министрациядин пресс-къуллугъди хабар гана.

Гзаф дуьшуьшра, къанун-къайдадал амал тавуна, жуьреба-жуьре дараматар эцигнавайбур администрацияди кьиле тухузвай кIвалахдин, кьабулзавай серенжемрин гъавурда акьазва. Амма и кардиз акси экъечIза­вайбурни, чеб гьахъ я лугьузвайбурни авачиз туш. Ахьтинбуру къанунсуздаказ ишлемишзавай чил шегьердин хсусиятдиз хкун патал дувандин залризни акъатзава.

Дербентдин кьил Рустамбег Пирмегьаме­дова къейд авурвал, и жигьетдай шегьерда кьиле тухузвай кIвалах давам жеда: “Къанунсуздаказ эцигнавай дараматар чукIурун са низ ятIани хуш тежедайдан гъа­вурда чун акьазва. Мумкин я, бязибуру, икьван йисара чпин патав садни атанач лу­гьуз­, чеб а чилерин гьакъикъи ие­сияр яз гьисабни ийизва же­ди. Амма гьакъикъат масад я. Заз къанунсуздаказ дараматар эцигун давамарзавайбуруз ахьтин гьерекатар акъвазаруниз эвер гуз кIанзава. Я фад, я геж чун квевни агакьда. И жигьетдай тухуз­вай­­ кIвалах къайдадик кваз тешкил­нава ва ам давам жезва”, — лагьана ше­гьер­дин мэр­ди.­

Чи мухбир