Мукьвара США-дин Атлантик-Сити шегьерда кьиле фейи “PFL 5” турнирдин сергьятра аваз чи ватанэгьли Ислам Мамедова Китайдай тир Инсанга Баодихъ галаз ММА-дай бягьс кьиле тухвана.
Гьасиррал экъечIай сифте декьикьадилай лезгиди вич китайвидилай викIегь тирди къалурна. Нетижадини вич са акьван геждалди вилив хуьз тунач: Ислама сад лагьай раундда Баодин винел технический нокаутдалди, гъалибвал къачуна.
Ислам Мамедова спортдин рекье 19 бягьс кьиле тухванва. ВикIегь лезги абурукай анжах сада магълуб хьана.
Ислам Мамедов 1990-йисан 10-февралдиз Дербент шегьерда лезгидин хизанда дидедиз хьана. ГъвечIи чIавалай спортдал машгъул жезва. Ам спортдин международный классдин мастер, дуьньядин чемпион, дуьньядин кубокдин сагьиб я.
«Лезги газет»
