Стхадиз

(Рагьметлу стха Айнуллагьан экуь къаматдиз бахшзава)

КIирийрин хуьр ви ватан тир, зи стха,
Смейиланни Фатумадин тир вун хва.
Акьалтнай вун асландин рикI хураваз,
Ручугъдин яд — шербетдин дадкIандай ваз.

Хайи хуьрел уьмуьрдал хьиз рикI алай,
Къуччагъ буба — КIири Буба тир ваз гъед.
Михьи гъилни, инсанвални вахъ авай,
Диде-буба рикIел алай тир велед.

Хуьруьн къене туна, стха, на ви тIвар,
Авур гьуьрмет шад мецелайсуьгьбетар.
Ви тIвар кьуна, жемят алайдуьадал,
Мерд итим тир вун, зи стха, дуьньядал.

КIандай рикIиз Бубад булах,чуьлни там,
Азиз стха, амач вун чахъ, хьанва гъам.
Кьисмет хьурай, багьа стха, ваз женнет,
Даим, стха, вилик жеда ви суьрет.

Араз буба — тухумдинкьил кIандай ваз,
Гьадаз хьиз, ваз жерягьвилинпай авай.
Бубади вал эцигнай тIварАйнуллагь,
Женнет кьисмет хьуй ваз, стха,я Аллагь.

Фида йисар, къвез алатда гатфарар,
Амукьда чаз ви суьретни ви чIалар.
Цуьк ахъайда, гуьзел жеда къизилгуьл,
Рекьидалди галамукьда вахъ зи вил.

«Лезги газетдин» 2019-йисан 36-нумрадай

_____________________

Стхадиз 

 

КIирийрин хуьр тир ви ватан, зи стха,

Смейиланни Фатумадин вун тир хва.

Акьалтнай вун асландиз хьтин рикI аваз,

Ручугъин яд, шуьрбетдин дад кIандай ваз.

 

Хайи хуьрел уьмуьрдал хьиз рикI алай,

Къучагъ Буба — КIири Буба тир ваз гъед.

Михьи гъилни инсанвал, стха, вахъ авай,

Диде-буба рикIел алай тир велед.

 

Хуьруьн къене туна, стха, на ви тIвар,

Авур гьуьрмет, шад мецелай суьгьбетар.

Ви тIвар кьазвай жемят алай дуьадал,

Мерд итим тир вун, зи стха, дуьньядал.

 

КIандай рикIиз Бубад булах, чуьлни там,

Азиз стха, амач вун чахъ, хьанва гъам.

Кьисмет хьурай, багьа стха, ваз женнет,

Чан аламай кьван вилик жеда ви суьрет.

 

Араз буба, тухумдин кьил, кIандай ваз,

Гьадаз хьиз ваз жерягьвилин пай авай.

КIандай, стха, заз уьмуьрда вав рахаз,

Гьар юкъуз вун акваз кIандай патавай.

 

Гьахъвал, стха, тир ви уьмуьрдин пайдах,

Вун рикIе аваз, ийизва за вал дамах.

Смейила вал эцигнай тIвар Айнулагь,

Женнет кьисмет хьуй ваз, стха, я Аллагь.

 

Фида йисар, къвез алатда гатфарар,

Амукьда чаз ви суьретни ви чIалар.

Цуьк ахъайда, гуьзел жеда къизилгуьл,

Рекьидалди галамукьда, стха, вахъ зи вил.

«Лезги газетдин» 2025-йисан 36-нумрадай