Куьре округдин Киркарин хуьре дидедиз хьайи ада Москвада Вирисоюздин коммунистический институтда ва аспирантурада кIелна, партиядин идарайра, «ЦIийи дуьнья» (1930-1932), «Колхоздин пайдах» ва «Дагъустандин правда» (1954-1957) газетрин редакцийра жавабдар кIвалахар тамамарна. Илимдин рекьел эляч1айла, Дагъустандин тарихдай ахтармишунар тухвана. Тарихдин илимрин доктор (1963), профессор, 1963-1974-йисара ДГПИ-дин проректор. Гь. Аликберова жегьил чIавалай макъалаяр, очеркар, шиирар кхьизвай. 1945-йисуз акъатай 3-классдин «Литературадин хрестоматиядик» адан «Пионерар» ва «Дагълар» шиирар акатнавай.

Къ. Акимован «Лезги литература» энциклопедиядай

«Лезги газетдин» 2025-йисан 41-нумрадай.