Аким Абдурагьимов

КIелед хивез экъечIда чун

Лезгистандин дамах я вун,  Шарвили,

Чи несилрин даях я вун,  Шарвили.

Ваз гаф авач, гьакьван чIехи  Шарвили,

Дагъларни кваз хьана рехи,  Шарвили.

 

Къад йис я ваз суварар  ийиз чна,

Лезгистандал адлувилер  гъиз чна.

Авач валай викIегь пагьливан  ина,

Са касни жеч ви тариф  тийир чина.

 

Гьар са халкьдихъ вичин  игит хва ава,

Лезгистандал, Шарвили,  ви ван ала.

Лезги халкьдиз ви кьегьалвал  чизава,

Шарвили, вун гьулдандин хва  язава.

 

* * *

КIелед хивез экъечIда чун

Гьар сувариз Шарвилидин.

Мани лугьуз эгечIда чун,

Шадвал тухуз садвиливди.

 

Шарвилидин экуь къамат

Чи рикIелай гьич алатдач.

Шарвили, вун яшар хьуналд

Ви къуватдай гьич аватдач!

 

Балайриз

Къе сифте кам вегьезвайбур

Школадин гьаятдиз,

Къуй квекай игитар хьуй

Гьукуматдин даяхдиз.

Гьикьван куьне кIел авуртIа,

Гьам хъсан я куь кIвализ.

Регьят фу атуй хуьруьз.

КIел тавуна куьчеда хьун,

Гьар садалай алакьдач.

Чан балаяр, куьне кIела,

Куьн пашмандиз амукьдач.

КIела, кIела, мадни кIела,

Им Ильичан веси я.

Чан балаяр, куьне кIела,

Темпелвилиз акси яз…

ЧIалаз килиг чIехибурун,

Кьилер рехи хьанвайбурун.

Куь уьмуьрдин рехъ дуьз  фи­рай­,

Куьне кIела, чан балаяр!

 

Дуст Адишириназ

Адиширин, вун галачир

Мелни-межлис гьич тахьуй.

Ви билбилдин ширин аваз

Чи сегьнейрал алаз хьуй!

ЦIуд аялдин буба я вун,

Культурадиз багьа я.

Ви гьевесдал кьару я чун,

Пашманвал чаз чара я.

Фияр хуьруь гайи ашукь,

Вун ашукьрин кьил хьана.

Валди чна шадвал тухуз,

Куьтягь тежер гьуьл хьана!

Ваз рагьмет хьуй, Адиширин,

Ви балайри гьар хуьре,

Чуьнгуьр кьуна эрчIи гъиле,

Тухузва ви кар кьиле!

Хкем

«Лезги газетдин» 2019-йисан 48-нумрадай

Подпишитесь на наши каналы:

Читайте также:


Новости партнеров