Россиядин зегьметдин ва яшайишдин рекьяй вилик финин министерстводи Дагъустан Республикадиз 572, 87 миллион манат пул чара авунва. Идакай “Лезги газетдиз” РД-дин зегьметдин ва яшайишдин рекьяй вилик финин министерстводин пресс-къуллугъди хабар гана.
Пулдин такьатар милли “Демография” проектда ва “Аялар хьайила, хизанриз пулдин куьмекар гун” республикадин программада къейднавай сад лагьай аял хайила ва я хвавиле, рушвиле кьабулайла, тайинарнавай пул гун патал харжда.
И макьсадар патал алай йисуз региондин бюджетдиз 921,60 миллион манат пул атанва. Хизанриз гузвай такьатар Дагъустандин шегьерринни районрин яшайишдин рекьяй къуллугърин (соцзащита) управленийрив агакьарнава.
И месэладикай тамамдиз РД-дин зегьметдин ва яшайишдин рекьяй вилик финин министерстводин сайтдай кIелиз жеда.
«Лезги газет»
