( Эхир. Эвел — 27-нумрада )

За квез мад лугьуда, куьне ри­кIел хуьх. Гьакъикъатда дуьньяда кьуд десте инсанар ава. Абурукай сад лагьайдак Аллагьди девлет ва чирвал ганвай, девлет хьуниз килигна, Реббиди­хъай­ ки­чIезвай, мукьвавилин ала­къаяр хуьзвай ва вичин мал-девлетдиз Аллагь паталди вуч авун лазим ятIа чизвай лукI акатзава. Ахьтинди виридалайни хъсан гьалда жеда.

Кьвед лагьай дестедик Аллагьди, девлет тагана, чирвал ганвай лукI акатзава. Ада лугьуз­ва: “Эгер заз девлет авайтIа,        за флан касди хьиз ийидай”. Ниятар михьи тирвиляй, сад ла­гьай дестедик акатзавай лукIрахъ хьтин ниятар авайвиляй, адаз гьа сад лагьайдаз хьтин суваб жеда.

Пуд лагьайдак, Аллагьди девлет гана, чирвилер таганвайди акатзава. Ада, фикир тийиз, харжзава, девлет хьуналди, адаз вичин Реббидихъай кичIез­вач, мукьвавилин алакъаяр хуьзвач ва адаз вичин девлетдиз Ал­лагь паталди вуч авун лазим ятIа чизвач.  Ахьтинди Эхиратда виридалайни пис гьалда жеда.

Кьуд лагьай дестедик Аллагьди я девлет, я чирвал таганвайди акатзава. Ада лугьузва: “На­гагь заз девлет авайтIа, за флан касди хьиз ийидай”.  Пуд лагьайдахъ хьтин ниятар авайвиляй адаз гьа пуд лагьайдаз хьтин гунагьар жеда” (Ат-Тирмизи).

Абу Гьурайради агакьарайвал, Аллагьдин Расулди  лагьана: “Ни гьалалдиз къазанмишнавай вичин девлетдикай хурмадин са паюнин къимет авай садакьа кьванни гайитIа (Аллагьди гьалалдилай гъейри, ма­са затI кьа­булзавач), Аллагьди ам кьа­бул­да. Гуьгъуьнлай Ада ам гьа са­дакьа гайи кас патал чIе­хи ийида, куьне куь бал­кIан­дин тай гьикI чIехи ийизватIа гьакI. Та ам дагъ кьван чIехи жедалди, гьа икI давам жеда” (Аль-Бухари, Муслим).

«Ас-салам» газетдай