Маврикий РагъэкъечIдай патан Африкадин островдин уьлкве я. Индиядин океанда авай и республикадин составдик Маврикий ва Родригес островар акатзава. Уьлкведин майданди 2040 кв. километр кьазва. Ана гзаф чими жеда. Уьлкведин меркез Порт-Луи я.

Сифтедай инсанар яшамиш тежезвай остров 16-асирдин эвел кьилера (тахминан 1510-йисуз) Португалиядай тир агьалийри ачухна, адал Португалиядин гимийрикай сад тир Сишна тIвар эцигнай.

Маврикийда сифтедай масанра малум тушир къушар гзаф авай. Амма островдал инсанри масанрай вакIар, кацер, кьифер ва маса гьайванар гъуникди, къушар фад терг хьана. Гимийра аваз островдин патавай фидайла, кьураматдал къвез, морякри кьураматдин чIехи хъалхас хъипер кьаз хьана. Гьайванриз, тарариз зиянар гуникди островдин гьалар гзаф дегиш хьана, жуьреба-жуьре ажайиб тарар, гьайванар, къушар амукьнач.

Уьлкведа миллионни кьве вишни ­пудкъад агъзурдалай гзаф инсанар яшамиш жезва. Ажайиб тIебиат авайвиляй и уьлкведиз сиягьат ийизвайбурун кьадар гзаф я.

Гьазурайди — Куругъли Ферзалиев