Дербент шегьердин педагогикадин колледжда 11-июндилай 23-июндалди Кьиблепатан Дагъустандин шегьеррин ва районрин мектебрин лезги чIалан муаллимри пешекарвилин дережа хкажна.
Курсара хьайи муаллимри къейдзавайвал, цIикьвед йикъан къене муаллимри сада-садавай тежриба чирна, метлеблу лекцийрихъ яб акална. Машгьур муаллимри кьиле тухвай мастер-классар тежриба кIватIунин карда иллаки куьмек хьана.
Курсарин эхирдай ДИРО-дин филологиядин отделенидин кафедрадин чIехи муаллим Н.Таймуровадин регьбервилик кваз махсус семинар кьиле фена, анал муаллимрик къалабулух кутазвай месэлаяр веревирдна.
Къейдна кIанда хьи, Дербент шегьерда кьиле фейи курсара санлай лезги чIалан 20 муаллимди иштиракна.
«Лезги газет»
