КIирийрин юкьван спортшколадин — интернатдин бинедаллаз Кьурагь райондин школаяр акьалтIардалди са йис амай аялрихъ галаз вад йикъан сборар (тарсарин 35 сят) тухвана.
И учебный сборриз абурун начальник — КIирийрин спортшколадин директор Надир Тагьирова ва штабдин начальник — КьепIиррин СОШ-дин военрук Садир Хариева регьбервал гана.
Отделенийрин командирарвиле Араблярдин СОШ-дин военрук Касим Гьайдаров, КIирийрин спортшколадин — интернатдин военрук Саид Тажибов, Ашарин СОШ-дин военрук Къурбан Къурбанисмаилов, Кьуьчхуьррин СОШ-дин военрук Альберт Абдуллаев, КIирийрин СОШ-дин военрук Эльмар Медетов ва Кумухърин СОШ-дин военрук Сердер Эскендеров тайинарнавай.
Сборар тешкилунин ва кьиле тухунин карда Кьурагьрин СОШ-дин директор Гьамид Мисриева еке куьмек гана. Ада и мярекатдин иштиракчияр чпин школадай гъанвай яракьралди таъминарна. Ада гьакIни аялрихъ галаз чуьлдин шартIара вердишардай серенжемарни кьиле тухвана.
Школаяр акьалтIариз са йис амай 38 аялдиз вад суткадин къене яракьдихъ гелкъуьнин, низамда аваз къекъуьнин барадай ва гьакIни Россиядин Армиядин жергейра ийизвай маса истемишунриз талукь хъсан чирвилер гана.
Чи мухбир
