Аллагьдин Расулди ﷺ  вичин са шумуд гьа­дисда­­ виридалайни хъсан инсанрикай чаз хабар ­ганва.

“Квекай виридалайни хъсанди ам я хьи, ни ви­чи Къуръан чирна, ахпа ам масабуруз чирна­тIа” (Бухари).

“Квекай виридалайни хъсанди виридалайни хъсан халкь авайди я” (Бухари).

“Квекай виридалайни хъсанди виридалайни хъсан жуьреда буржар вахкузвайди я” (Бу­хари).

“Квекай виридалайни хъсанди ам я хьи, ни­вай­ хъсанвал гуьзлемишзаватIа ва писвал гуьз­ле­мишза­вачтIа” (Сагьигь Тирмизи).

“Квекай виридалайни хъсанди ам я хьи, вуж вичин хизандихъ галаз виридалайни хъсан рафтарвилера аватIа” (Сагьигь Ибн Гьиббан).

“Квекай виридалайни хъсанди ам я хьи, ни ма­сабуруз тIуьн гузватIа ва саламдиз жаваб гузватIа” (Сагьигь).

“Квекай виридалайни хъсанди ам я хьи, нин къуьнер кпIуна хъуьтуьл ятIа” (Таргъиб ва Таргьиб, яни капI ийидайла, жергедиз гьахьайдаз чка гудайди).

“Инсанрикай виридалайни хъсанди ам я хьи, нин уьмуьр яргъиди хьанатIа ва крар — хъсанбур” (Сагьигь).

“Инсанрикай виридалайни хъсанди ам я хьи, вуж виридалайни инсанриз менфятлу ятIа”  (Са­гьигь).

“Дустарикай виридалайни хъсанди ам я хьи, ни вичин дустунихъ галаз виридалайни хъсан рафтарвал ийизватIа. Виридалайни хъсан къунши Ал­лагьдин  вилик ам я хьи, ни вичин къун­ши­дихъ­ галаз виридалайни хъсан рафтарвал ийиз­ватIа” (Сагьигь Адаб Муфрад).

“Инсанрикай виридалайни хъсанди ам я хьи, ни­н рикI михьи ятIа ва мез — гьахъ”. Асгьарби ха­­бар­ кьуна: “Мез гьахъ тирди вуж ятIа, чун гъа­вурда­ акьуна, бес рикI михьиди вуж я?” Ада ﷺ  жа­ваб га­на:  “Ам михьи, Аллагьдихъай кичIе рикI авайди я, адал гу­нагь, зулум, такIанвал, пехилвал алач” (Сагьигь)­.

«Ас-салам» газетдай