—            Дуьньядин вири уьлкверикай миллиондилай артух инсанар яшамиш жезвай шегьерар гзафни-гзаф Китайда ава. Ина ахьтин шегьеррин кьадар 60-далай алатнава. Кьвед лагьай чкадал Индия ала — ана 54 ше­­­гьерда миллиондилай гзаф агьалияр яшамиш ­жезва.

—            Дуьньяда лап еке ше­гьер­ Китайдин Чунцин я.

— Европада виридалайни чIехи шегьер Москва я.

—            Гзаф ламу шегьер Колум­бия-дин­ Буэ­навентура я. Ина виридалайни гзаф къвалар къваз­ва­.

—            Гзаф чешмейри тестикьарзавайвал, кьа­цIай, пис гьава авай шегьер Китайдин Линьфэнь я.

— Дуьньяда виридалайни гъвечIи шегьер Хорватиядин Хум я. 2017-йисуз ана 27 агьали яшамиш­  жезвай.

—            Дуьньядин уьлквейрин меркезрин арада михьи гьава Гималайрин сергьятра экIя хьанвай Бутан уьлкведин меркез Тхимпхуда ава.

— Арабрин Абу-Даби шегьер дуьньяда иллаки хатасузди яз гьисабзава.

— Меркезрикай гзаф къайи гьава Улан-Баторда жеда.

— Дунай вацIун эрчIи пата авай Буда ва чапла па­та Пешт шегьерар сад хьуникди 1873-йисуз Венгриядин меркез Будепешт арадал атана.

— Дуьньяда виридалайни гзаф инсанар авай ше­гьер Китайдин Шанхай я. Ана 23 миллиондилай артух агьалияр яшамиш жезва.

— Европада гзаф муькъвер Гер­ма­­ниядин Гамбург шегьерда ава. Ина абурун кьадар 2400-дав агакьнава.

— Дуьньяда виридалайни дерин метрополитен Санкт-Петербург шегьерда ава.

Гьазурайди — Куругъли Ферзалиев