Къе чав пашман хабар агакьна: и дуьньядай уьмуьрдин чагъиндамаз Лезги театрдин директордин заместитель Нариман Нурдинович Буржалиев хъфена.
Чун Аллагьди халкьнава ва гьар сад, вахт атайла, Гьадан патав хъфизва. Садбур аялар яз, садбур – жегьилар яз, садбур – агьилар яз…
Нариман Нурдиновича вичин са акьван яргъи тушир уьмуьрда чи рикIера вичикай анжах хъсан фикирар туна. Багъри театрда кIвалахай йисара ада чи милли меденият вилик тухуник кьетIен пай кутуна. Адан экуь къамат чи рикIера амукьда.
«Лезги газетдин» редакциядин коллективди Нариман Нурдиновичан хизанриз, багърийриз, мукьва-кьилийриз, Лезги театрдин коллективдиз, дериндай хажалат чIугунивди, башсагълугъвал гузва. Къуй адан гунагьрилай Аллагьди гъил къачурай ва ам женнетэгьлийрин жергейра хьурай! Амин!
«Лезги газет»
