Мегьарамдхуьруьн районда муниципальный программадин сергьятра аваз хуьрерин къенепатан рекьер хъсан гьалдиз хкунин кIвалахар кьиле тухузва. Идакай «Лезги газетдиз» райадминистрациядин пресс-къуллугъди хабар гана.  

Райондин Хъартас-Къазмайрин  хуьруьн къенепатан рекьериз чиргъ вегьенва, гележегда а куьчеяр куьлуь хирхем вегьена, мадни хъсанардай фикир ава. Рекьер абадунин кIвалахра хуьруьн агьалийрини гьевесдивди иштиракзава. Кьилди къачуртIа, Административный ва В.Эмирован тIварцIихъ галай куьчеяр тамамвилелди ремонтнава, хейлин куьчейра са кьадарда кIвалахар кьилиз акъуднава. Куьчеяр цIийи хъувунин кIвалахар мартдин эхирдалди давам жеда. Ихьтин кIвалахар икьван чIавалди райондин са шумуд хуьре кьилиз акъудна.

«Лезги газет»