1-мартдиз «РЦДОДИ» центрада «Дагъустандиз вафалу тир кьегьал» тIвар алай мярекат кьиле фена. И мярекат Милли чIаларин суварихъ галаз алакъалу яз ва хайи чIаларай аялрин чирвилер гегьеншарун патал тешкилнавайди тир. Малум тирвал, 21-февралдиз вири дуьньяди Милли чIаларин сувар къейдна. И жигьетдай  Дагъустандин  шегьеррани районра хейлин мярекатар кьиле фена.

Расул Гьамзатован яратмишунрихъ галаз алакъада аваз тухвай мярекатдай аялриз шаирдин яратмишунрин важиблувал, адан уьмуьрдикай цIийи делилар, ада Дагъустандин литература патал чIугур зегьмет чир хьана. Мерекатда хайи чIаларал шиирар кIелай аялримадни гурлу авуна. Р. Гьамзатован лезги чIалаз таржума авунвай шиирар 6-классдин ученик Рамазанов Расула  ва  9-классдин ученик Шихвердиев Амира кIелна. Аялри гьакIни хайи чIаларал манияр ва милли кьуьлерни гьазурнавай. ТIвар-ван авай «Дурнаяр»  манидин бинедаллаз центрада кIелзавай рушарин кIватIалди гуьзел кьуьл тамамарна.

Мярекатдиз гьакIни машгьур манидарар, алимар, шаирарни мугьман хьана. Абуру набут аялриз рикIин сидкьидай сувар мубаракна, чими гафар лагьана. Хайи чIалар, жавагьирар хьиз хвена кIанзавайди, абур чи хазина, дамах тирди къейд авуна.

Ира Шихвеледова