Камалсуздахъ гьая, эдеб, ар жедач.
Ялцугъ ЭМИН
Гьич са гьайвандини, гьич са набататдини вич и дуьньядилай квахьуниз рехъ гузвач.
Расим ГЬАЖИ
Далудихъ аслан хьайила, къуьре неинки жанавур, сев, гьакI пеленгни туькьуьнда.
Шамсудин ИСАЕВ
Инсандиз, никIе цана вахчузвай фу хьиз, рикI шад ийидай машгъулатарни герек я.
Зияудин ЭФЕНДИЕВ
Савадлу инсандиз вичин такабурлувал, азадвал хуьз регьят я.
Гьаким КЪУРБАН
Гьакъикъатдикай санизни чуьнуьх хьун, катун мумкин туширвал, ам аквазвай вилерни акьализ жедач.
Межид ГЬАЖИЕВ
Халкьдин культура хкаж тавунмаз амай кIвалахарни вилик тухуз хьун мумкин туш.
Абдуллагь ИСКЕНДЕРОВ
Гзафбуруз инсанар хьун патал бес тежезвайди анжах са затI я — инсанвал.
Майрудин БАБАХАНОВ
КIус паталди агъузиз юкь,
Жув ялтахрин тайиз тахьуй.
Алирза САИДОВ
Чун анжах жуван хам, беден хуьз, амма руьгьдин къайгъу са акьван чIугван тийиз вердиш жезва.
Арбен КЪАРДАШ
ЧIижери хьиз кIвалах авурла, а зегьметди гайи бегьер виртIедилайни ширин жеда.
Мурадхан ШИХВЕРДИЕВ
Инсандин винел патан акунар хьиз, адан рикI, руьгь, мез, фикирарни дуьз хьана кIанда.
Майил ЭФЕНДИЕВ
Инсан кIевяй акъудунилай, хаталувиликай хкудунилай баркаллу кар дуьньядал алайди туш.
Назир МИРЗОЕВ
Вич-вичихъ инанмиш тир, кIвалахдин гъавурда авай касдиз кимивилер акъудунихъай кичIе жедач.
Буба ГЬАЖИКЪУЛИЕВ
КIватIайди — К.Къалажухви
