Докъузпара райондин Усугъчай хуьруьн мектебдин 10-классдин ученица Сабрина Сарухановади урус литературадай кьиле фейи республикадин олимпиадада 1-чка кьуна.
Шад хабардихъ галаз алакъалу яз мектебда мярекатни тешкилна. Ана райондин кьил Абдурагьим Алискерова, адан заместитель Салигь Гьажимурадова, райондин УО-дин начальникдин везифаяр вахтуналди тамамарзавай Мадрид Гьажиева, Усугъчайдин мектебдин директор Тажидин Аразова ва мектебдин вири коллективди иштиракна.
Абуру аялдиз хьанвай агалкьун тебрикна, гележегдани цIийи агалкьунар хьун, цIийи кукIушар муьтIуьгъарун алхишна. Шад мярекатдин сергьятра аваз Абдурагьим Алискерова 10-классдин ученица Сабрина Сарухановадив ва адан муаллим Зарема Шиховадив пулдин сертификатар вахкана.
«Лезги газет»
