Вич ваз течиз, на сир вугуз,

Игридакай дуст жедай туш.

Кьуьчхуьр  САИД

Авачирла вич пешедин гъавурда,

Фидач уьмуьр гьич саданни кIубандиз.

ЖАМИДИН

КIеве гьатай чIавуз ичкидин дустар яргъал жеда.

Абдулбари  МАГЬМУДОВ

Намусдин михьивилелай хъсан девлет авач.

Гьаким  КЪУРБАН

Къудуранриз девран хьанва уьлкведа,

Абур патал я кемен, я хак амач.

Азиз   АЛЕМ

АлакьдатIа, бахтунин къуш сифте яхъ,

Эхирдай бахт жагъидайди гачал я.

Пакизат  ФАТУЛЛАЕВА

Са бубат кьил акъатайда гьижадай

Гьисабна вич шииратда къужадай.

Халидин  ЭЛЬДАРОВ

КIанивилер жеривилиз элкъуьрун

Гьар са касдин къастунилай аслу я.

Шагь-Эмир  МУРАДОВ

Лугьуда хьи, сада-садахъ майилвал ийизвай рикIериз шаклувал авунни хас я.

Якьуб   ЯРАЛИЕВ

Кьурай тарци пешер гъидач

Багъда чка кьуналди.

Ханбиче  ХАМЕТОВА

Зегьмет акьалт тавуна жагъанвай девлетди инсанрин акьул квадарзава, абур негь  будалайриз  элкъуьрзава.

Къияс  МЕЖИДОВ

КIула пар авайдаз хур экъи­сиз четин я.

Майрудин  БАБАХАНОВ

РикI михьи инсанриз масад вичелай алудун патал багьна жагъурун гзаф четин жеда.

Фейруз  БЕДЕЛАХТУЛ

Кьве чIал чир хьун хъсан я, амма кьве чин тахьурай.

Эседуллагь  НАВРУЗБЕГОВ

КIватIайди — К.Къалажухви