ЧIалан къенивал ва культура хуьн адакай менфят къачузвайбурун лап важиблу везифа я.
Назир МИРЗОЕВ
Къабачийри лекьер чилерай галчIурдай девир алукьнава.
Арбен КЪАРДАШ
БалкIан кIанидаз адан цIапар такIан хьана виже къведач.
Буба ГЬАЖИКЪУЛИЕВ
Инсан лагьай и пак тир тIвар анжах кьве кIвачеллаз къекъуьналди тестикь жезвач.
Зияудин ЭФЕНДИЕВ
Тарихни чIал са арабадин кьве чарх я.
Расим ГЬАЖИ
Ягъай гуьлле хкведайди туш луьледиз.
Кичибег МУСАЕВ
Яракьдивди мийир вуна гьерекат,
Меслятдалди кIватIа михьи берекат.
Лезги АРИФ
Ваз ам гуьрчег акуналди винелай,
ЧIалахъ жемир, килиг цIийи кьилелай.
Хуьруьг ТАГЬИР
Писвал са легьзеда жеда, амма хъсанвал авун патал гзаф вахтар герек къведа.
Зара ФЕЙЗУЛЛАЕВА
Кавха кIамаш хьайила,
Хуьр жеда хирде.
Муграгъ САЛАХЪ
ЧIалахъ жемир пис гафарин, гьакъикъатдиз ятIани ухшар.
Забит РИЗВАНОВ
Дуьз рехъ хьтин рикIни кIанда,
Тахьун патал татабар.
Шихнесир КЪАФЛАНОВ
ЧIарарин рехивиляй камаллувилин дережа чириз хьанайтIа, вуч хъсан тир.
Мегьамед ВЕДИХ
Чирвилер мискьал-мискьал кIватIзавайди я.
Якьуб ЯРАЛИЕВ
КIватIайди — Куругъли Къалажухви
