Квез и шикилдай аквазвайбур Мегьа­рамдхуьруьн райондин Къуюстанрин хуьряй тир стхани вах  Багратни  Медина  Вагьидовар   я. Багратан — 8, Мединадин 6 йис я. КIелунрикай азад вахтунда абур еке гьевесдалди спортдал машгьул жезва. Гьафтеда пуд сеферда абур велосипедрал алаз къуншидаллай Гилийрин хуьре кардик  квай залан  атле­ти­кадин “Сократион” спортклубдиз физва. Чпин халу ва тренер Адиширинов Магь­мудан гъилик вердишвилер къачузва.

Чна Багратни Медина гележегдин гъетер-штангистар хьуник умуд кутунва, гьикI хьи, тежриба хьурдавай нетижаярни­ винизбур жедайдал шак алач. ИкI, Багра­та, вичин заланвал 28 кг яз, 25 кг (рывок) ва 30 кг (толчок), Мединади вичин за­лан­вал 25 кг яз, 10 кг (рывок) ва 15 кг (тол­чок) къвезвай штангаяр хкажзава. Ибур, яшариз ки­лигайла, хъсан нетижаяр я.

Лугьун лазим я хьи, Вагьидов Баграта дзюдодай Мегьарамдхуьруьн 2-нумрадин ДЮСШ-да тренер Балагьмедов Нариманан гъилик вердишвилерни къачузва. Тренердин гафарай, Баграт еке  гележег авай спортсменрикай я.

Чазни жаван спортсменрихъ чIехи агалкьунар хьана кIанзава.

Сократ Мустафин