И йикъара Мегьарамдхуьруьн райондин кьил Фарид Агьмедова райондин жавабдар ксарин иштираквал авай совещание кьиле тухвана. Идакай «Лезги газетдиз» райадминистрациядин пресс-къуллугъди хабар гузва.

Совещанидал районди республиканский ва федеральный программайра иштиракунин, яшайишдин, инвестицийрин, цифровой телевиденидин ва райондин мулкар абадунин, михьи авунин месэлаяр веревирдна.

Райондин кьили госпрограммайрин сиягь, абура иштиракунин шартIар ахтармишунин кар заместителрал тапшурмишна.

«Республикадин ва федеральный программайра чна активдаказ иштиракун лазим я. Абуру чаз райондин яшайишдинни экономикадин важиблу месэлаяр гьялдай мумкинвилер гуда», — къейдна Ф.Агьмедова.

Райондин администрациядин аппаратдин отделрин начальникри йисан планар гьазурунин, райондин тешкилатри ва идарайри муниципальный программайрив кьурвал кIвалахар пландик кутунин месэлаяр гуьзчивилик кутунин кар Ф.Агьмедова заместителрал тапшурмишна.

Кар алай месэлаяр веревирд авуналди, нубатдин совещание куьтягь хьана.

«Лезги газет»