Агъадихъ чна чпи 10 ва адалай гзаф экземплярар патал пулдин такьатар жагъурай ва чав агакьарай гьар садаз «Лезги газетдин» редакциядин коллективдин
тIварунихъай тебрикдин чIалар рекье твазва. Абур чна жезмай кьван алфавитдин къайда хвена чапзава.
Махачкъалада
Абдуселимов Абдуселимаз, “Лезгиавтоцентрадин” гендиректордиз, меценатдиз:
КIвални хизан, хуьр патал
Гьайиф къведач харжийрин.
Гьавиляй вун вилик ква,
Шивцел алаз буржийрин.
Азаев Жабираз, культурадин “Къуруш” центрадин регьбердиз:
ГьатайтIани кIевера,
Ван къведа чи эверай.
Куьмекдайбур газетдиз
Акьадарда шиверал!
Амаханов Эмирбегаз, “Кавказкурортстройдин” эцигунрин устIардиз, меценатдиз:
Кардик кутаз ООО-яр,
Квазни такьаз къурхуяр,
Хуьрер кIвачел хкизвай,
Сагърай кьегьал рухваяр!
Асланов Фазилаз, СИЗО-дин къурулушдин ветеранрин советдин председателдиз:
КIан хьайид туш къизилар,
Дердер ийиз кьезилар,
Кьуьчхуьрвидин хуш къилих
Хуьзва чи дуст Фазила.
Бутаев Бутаяз, миграгъви карчидиз:
Вахъ авай кьван къенивал,
Багъривални хайивал,
Хтурай вун галайвал,
Гьам я халис кIанивал.
Велиев Эзединаз, ДГУ-дин математикадин факультетдин доцентдиз:
Хва я кардиз вафалу,
Агалкьунар — сафалу!
Тадач гъвелни рекьерал
Чи руьгь патал хаталу!
Диярханов Вакъифаз, “Хатасуз Дагъустан” ГКУ-дин директордиз:
Бубад хва я, кар чидай,
Гъейратлу дустар чида.
Хуьн паталди лезгивал
Гьунарлу къастар чида!
Исаев Расимаз, РД-да РФ-дин МЧС-дин Кьилин управленидин чIехи къуллугъчидиз:
ТавуртIани тагькимар,
Дикъетлу яз даима,
Куьмекда чаз кIанивал
Гиярви хва Расима!
Исмаилов Тагьираз, ДГТУ-дин президентдиз, Халкьдин Собранидин депутатдиз, меценатдиз:
ЯцIа аваз къайгъуйрин,
Къалурай туш пелешвал.
Газет хуьрла генани
Жедач хцихъ эглешвал.
Къадималиев Мегьамедзакираз, “Дагъустан” агрохимкъуллугъдин гендиректордиз:
Четин тушиз чилер хуьз,
Къенивилин гелер хуьз,
Алахъзава датIана
Хийир гъидай хилер хуьз.
Къадимов Русланаз, ДГПУ-дин филфакдин декандиз:
РикIин чимивилив,
Руьгьдин къенивилив
АцIурзава хайи газет
Хцин кIинивилив!
Къазимегьамедов Нариманаз, РД-да РФ-дин МЧС-дин Кьилин управленидин начальникдиз, генералдиз:
Гъейратлу хва — генерал,
Ракъар хуьзвай къуьнерал!
Къуй тахьурай завалар
Садрани чи чилерал!
Магьмудов Фаргьадаз, “Махачкъала” автоцентрадин сагьибдиз:
Техникадин дуьзвилер
Гьамишанда хуьз вине,
Генг ийизва устадди
Чи руьгьдизни дуьз бине.
Мегьамедагъаев Азетуллагьаз, девирдин меценатдиз:
Вун чаз гайи Ашахуьр —
Гьамишанда яша, хуьр.
Ви рухвайрин мерд крар
Фида даим баша, хуьр!
Мегьмандаров Нуралидиз, эцигунрин “Яру-Дагъ” фирмадин гендиректордиз:
Гъавурдаваз замандин,
Жагъурзава фарман дуьз.
Вафалувал садрани
Кутаз жедач гимандик.
Мирзарагьимов Альбертаз, девирдин меценатдиз, карчидиз:
Вичиз вичин кар чида,
Парабуруз тIвар чида,
Хуьн патал чи ивирар
Герек тир шартIар чида…
Мирзегьасанов Насрудиназ, Махачкъаладин 12-нумрадин школадин директордиз:
Туш са яргъал къураба
Къадимлу хуьр Зугьрабар.
Ирс хуьзва чи михьи яз —
Кагьрабадихъ кагьраба!
Пирисмаилов Мусайибаз, Милли банкдин чIехи къуллугъчидиз:
Хазинадин я сагьиб
Лайихлу хва Мусайиб!
Газетдикай ийизва
Уьлкве ада ажайиб…
Рамазанов Рамазаназ, РД-дин цIаяр кьунриз акси къурулушдин (“ППС”-дин) кьилин пешекардиз:
Хатасузвал таъминда,
Тахьай жуьре яшинда.
Руьгьни хуьда сагъламдиз,
РикI эцигда заминда!
Салагьов Агъаметаз, ДГТУ-дин преподавателдиз:
Илимдани — къагьриман,
Инамдани — къагьриман.
Инсанвилин кесердихъ
Тухузва рехъ даима!
Ханбалаев Назимаз, Проектрин институтдин гендиректордиз:
Герек жедач эверун,
Акъудда чун кIеверай!
Рехъ жагъурда саламат
Гьатта къалин живерай…
Шагьбанов Низамаз, 13-нумрадин гимназиядин тарихдинни НВП-дин муаллимдиз:
Къуллугъзава низамдиз,
Къачузва гьар къадам дуьз.
Несилриз мерд чирзава
Вилик фидай улам дуьз.
Эсетов Азединаз, ДГМУ-дин доцентдиз, Халкьдин духтурдиз:
Дидедизни баладиз
Къуллугъарда аладиз:
Ви гьатта са рахуни
Диб хкудда чладин.
Каспийскда
Агьмедов Тагьираз, “Каспий-теплосервис” ООО-дин гендиректордиз:
Гузва халкьдиз къулайвал,
Тазвач жизви чIулаввал.
Чазни, ара датIана,
Ийизва мерд галайвал.
Гьажибабаев Назираз, “Дагдизель” заводдин коммерческий директордин заместителдиз:
На хуьзвайвал лезгивал, —
Пехил жеда гуьзгуь вал.
Кубутвилиз кIур гузва,
Квадар тийиз жезбивал.
Магьамдалиев Яралидиз, зегьметчидиз, фяледиз:
Ирс я чIехи бубайрин —
Руьгь хуьн хайи убайрин.
Газет кхьиз кIвалахда,
Рехъ тагана тубайриз.
Муталибов Улушаназ, зегьметдин ветерандиз, шегьердин Гьуьрметлу агьалидиз:
Шегьер-чIехи хизан яз,
Вични — Султан гьуьрметрин!
Жуьрэт чIехи аслан яз,
Хвал дериниз миллетдин…
Фатуллаев Имамудиназ ва Азизов Абдуллагьаз, дуьм-дуьз механикадин заводдин гендиректордиз ва кьилин бухгалтердиз:
Жумартвилиз тай авач,
Гуя хъуьтIуьхъ къай авач.
Чи ирсинин таъсиб хуьз,
Руьгьда илгьам-цIай ава!
Дербентда
Гьасанов Жамбулатаз ва Гьашимов Гьуьсейназ, шегьердин налогрин инспекциядин ва отделдин начальникриз:
Сан артухиз налогрин,
Рехъ агалда шулугърин.
Газет-журнал кхьирла,
Кьиле къвазда къуллугърин!
«Лезги газетдин» редакция
