— Мукьвал-мукьвал кьурурнавай чуьхверрин компот ишлемишиз хьайитIа, дуркIунра ва цварадин куркурда садрани къум жедач.
— Шекердин азар авайла, лаврдин 10 пешинал 300 мл ргазвай яд илична, са суткада тада. Ахпа йикъа пуд сеферда, фу нез 30 декьикьа амайла, 1\4 стаканда авайди ишлемишда. Сагъарунин вахт 2-3 гьафте я.
— Мекьивал себеб яз, уьгьуьяр акатнавайла, хуьрекдин са тIуруна авай пурнийрал са стакан ргазвай яд илична, 5 декьикьада зайиф цIал эцигда. Ахпа ам куьзна, чайдин са тIуруна авай вирт ва 1/4 лимондин миже алава хъувуна, ксудалди вилик хъвада.
— Рак азар кваз химиотерапия ийидайла ва и процедура авурдалай гуьгъуьнизни 10-15 йикъан вахтунда цIегьрен нек ишлемишун гзаф хийирлу я.
— Хамунин азарар квайла, анрал бурандин икьи къаришма эцигун гзаф хийирлу я.
— Япариз ван атун зайиф хьанвайла, лаврдин таза 5 пешинал са стакан ргазвай яд илична, 3 сятда тада. Ахпа йикъа пуд сеферда хуьрекдин са тIуруна авайди, фу нез 30 декьикьа амайла, ишлемишда. ГьакIни и къаришмадин 5-6 стIал япариз вегьеда.
— Ванна кьабулдалди вилик са стаканда авай яд хъун хийирлу я. Ада дамарра ивидин гьерекат агъузарда.
— Мадни ксудалди вилик хъвайи са стакан ци инсульт ва рикIин приступ хьуникай хуьда.
— Остеохондроз авайла, чичIек теркадай яна, тIазвай чкадал эцигна, целлофандалди ва винелай чими шарфуналди кIевирда. Компресс са сятда тада.
— СтIалжем хьанвайла, са стаканда авай ругунвай некIедиз чайдин са тIуруна авай вакIан гъери, гьакьван вирт ва са кака вегьена, хъсандиз хуькуьрна, йикъа пуд сеферда ишлемишда.
Гьазурайди — Надият Велиева
