Чи ватанэгьли, Хив райондин ЗахитIрин хуьряй тир Феликс  Халибегов Чебоксары шегьерда залан атлетикадай кьиле фейи Россиядин чемпионатда гъалиб хьана.

Акъажунра Санкт-Петербургдин ва Москвадин патай векилвал авур пагьливанди 62 кг-дин заланвал авайбурун арада вири санлай 274 кг хкажна. Чемпионатдин гимишдин медаль Москвадин областдин патай векил Павел Суханова къачуна ва 3-чкадиз Ульяновский областдай тир Олег Лаптев лайихлу хьана­.

ЗахитIвиди Россиядин чемпионатда къазанмишай вичин кьуд лагьай гъалибвал хсуси тренер Артур Абдулмежидоваз бахшна ва вичи векилвалзавай кьве региондин, багъри Дагъустандин, хайи Хив райондин болельщикриз сагърай лугьузва.

Дагъви Шериф