И йикъара ЦицIигърин хуьруьн ктабханада «Террордиз – ваъ» лишандик кваз мярекат кьиле фена. Идакай «Лезги газетдиз» Сулейман-Стальский райондин администрациядин пресс-къуллугъди хабар гузва.  

Акьалтзавай несил дуьз рекье хьунин, абуру террор негь авунин макьсаддалди ктабханадин заведующий Гуьлше Мегьамедовади кьиле тухвай мярекатда НуьцIуьгъ, КIварчагъ, Экендиль хуьрерин ктабханайрин къуллугъчияр тир З.Мегьамедовади, М.Мехтиева, И.Къафаровади, гъвечIи классриз тарсар гузвай муаллим Н.Селимовади, мектебдин тешкилатчи С.Хидирова, хуьруьн депутат ва спортдин тренер А.Мисриханова ва ктабханадин кIелчийри иштиракна.

Г.Мегьамедовади кIватI хьанвайбуруз терроризмдикай, ада арадал гъизвай мусибатдин вакъиайрикай мисалралди ихтилатна.

Ктабханайрин кIелчийри мярекатдин темадиз талукь шиирар таъсирлудаказ кIелна.

«Лезги газет»