И йикъара Докъузпара райондин администрациядин дараматда Виридуьньядин набутрин йикъаз талукьарнавай мярекат кьиле фена. Набут инсанрин къайгъуйра гьатун патал райадминистрациядин, яшайишдин къуллугъдин работникар кIватI хьанвай. Абуру уьмуьрдин дуьз тереф кьиле тухузвай, чпихъ гьар са карда активвал авай къатариз сагърай лагьана.
Мярекатда райондин кьилин меслятчи Борис Лежберова, Докъузпара райондин ФСС-дин тамам ихтиярар ганвай векил Эмирсултан Эмирсултанова, райондин УСЗН-дин начальник Эсед Арабова ва ЦСОН-дин начальник Халид Рамазанова иштиракна.
Борис Лежберова набутрин адресдиз суварин тебрикдин келимаяр лагьана. Ада къейдна хьи, «Докъузпара район» муниципальный тешкилатда набутбурун игьтияжриз гьахьзавай, куьмекдин гъил кьазвай комплексный программа кьабулнава. Адал амал авуна, талукь тир кIвалахар кьилиз акъудзава.
«Лезги газет»
