Дагъустан республикадин АТК-дин кIвалахрин 2018-йисаз талукь пландин бинедаллаз и йикъара Кьурагь районда АТК-ди кьиле тухузвай кIвалах тамамвилелди ахтармишна. Ахтармишунин комиссиядик РД-дин кьилин куьмекчи, ЮТО-да РД-дин АТК-дин векил Замир Шайдабегов ва РД-дин кьилин куьмекчи, ЦТО-да РД-дин АТК-дин векил Агьмед Рустамов квай.

Ахтармишунин кIвалах тухвай вахтунда асул фикир райондин АТК-ди тешкилзавай кIвалахриз ва арадал къвезвай нетижайриз килигна. Идалайни гъейри, комиссиядин векилри 2013-2018-йисара РФ-да терроризмдин идеологиядиз акси яз тухвана кIани серенжемрин комплекс гьикI кьилиз акъудзаватIа, идалай вилик рехъ гайи нукьсанар гьикI арадай акъудзаватIа, гьа месэлаярни ахтармишна.

Нетижаяр кьунин совещанидал ахтармишунин комиссиядин членрилай гъейри Кьурагь райондин кьил Замир Азизов, общественный хатасузвилин рекьяй райондин кьилин заместитель Альберт Исаев, Кьурагь райондин прокурор, юстициядин чIехи меслятчи Фируза Лагметова ва Кьурагь райондин ОМВД-дин ОУУП-дин ва ПНД-дин начальник Селим Селимов алай.

Совещанидин иштиракчийри Кьурагь райондин кьил ва АТК-дин председатель Замир Азизова райондин сергьятра терроризмдиз акси яз тухванвай кIвалахрикай, план тамамарунин гьаларикай ихтилатна.

«Лезги газет»