Дагъустанда газ ва электроэнергия ишлемишзавайбурал хьанвай буржар, эхиримжи делилралди, 70 миллиард манатдив агакьнава. Идакай саласа юкъуз региондин Кьил Владимир Васильева РФ-дин Федеральный налогрин къуллугъдин РД-да авай Управленидин гегьенш коллегиядал малумарна, хабар гузва ТАСС-ди.
“Са йисан вахтунда ахтармишун патал хкянавай пуд районда къе чи республикадин муьштерияр газ ва электроэнергия ишлемишунай 70 миллиард манатдин кьван буржлу хьунал гъанвай система дегишарунин месэла вилик эцигнава. Еке ресурсар я”, — лагьана Васильева.
“Гьеле накь энергетикадин министрдин сад лагьай земестителдихъ ва мад са заместителдихъ галаз санал чи премьер Артем Здунова ва цIийи вице-премьер Владимир Лемешкоди куьне исятда эцигунардай комплекс “алцифарун” патал туькIуьрнавай къайда Дагъустан Республикада газ ва электроэнергия менфятсуздаказ ишлемишун тIимиларунин ва тергунин месэла веревирднай. Чна и программа уьмуьрдиз куьчуьрмишда”, — лагьана региондин Кьили.
«Лезги газет»
