Ахцегь районда авай аялрин бахчайрин дараматар ремонтзава. Мукьвара “Елена” ООО-дин эцигунардайбурун дестеди (прораб Сердер Эльдаров) Хуьруьгрин аялрин “Соколенок” бахчадин чимивал гудай къурулуш, анин канализация, къав ремонтна.
Алай вахтунда аялрин “Юный космонавт” бахчадани ремонтдин кIвалахар кьиле тухузва. Ругуд касдикай ибарат тир эцигунардайбурун дестеди и объектдал гуьзчивалдай къаравулчидин кIвал эцигна куьтягьзава. Абуру гьакI санузел туькIуьрна, канализацидин турбаяр кутуна, 30 кубометрдин яд хуьдай гьамбархана эцигда, шифер дегишарда, гьаятда тротуардин плита твазва. Ремонтдин кIвалахра бригададин рабочияр тир Рамид Ражабов, Къагьир Абдулгьамидов, Хийирбег Рамазанов тафаватлу жезва.
Рагьидин Эминов
