Россиядин субъектрин арада, агьалийрин уьмуьрдин яргъивилел гьалтайла, Дагъустан сифтегьан пудан жергеда ава. Дагъустанвийрин уьмуьрдин яргъивал тахминан 78 йисав агакьзава. Гьа икьван йисара агьалияр Ингушетияда ва Москвадани яшамиш жезва. 2017-йисан нетижаяр вице-премьер Татьяна Голиковади РФ-дин Президентдин патав гвай стратегиядин жигьетдай виликди тухудай ва милли проектрай Советдал малумарна. Ада агьалияр виридалайни яргъалди ва тIимил йисара яшамиш жезвай регионрин тIварар кьуна.

Виридалайни тIимил йисара яшамиш жезвай регионрик Еврейский автономный ва Тульский областар ква. Тверской, Новгородский ва Псковский областарни гьа и дестедик акатзава.

РикIел хкин: уьлкведин Кьил Владимир Путина Федеральный Собранидиз рекье тур Чарче къейднавайвал, Россия гуьгъуьнин цIуд йисуз агьалийрин уьмуьрдин яргъивал 80 йисалай алатнавай уьлквейрин арада хьун лазим я. Къенин юкъуз Россияда агьалияр юкьван гьисабдалди 72,68 йисуз яшамиш жезва.

Чи мухбир