Аламатдин балугърикай сад паку тlвар алайди я. Ам Кьиблепатан Америкадин уьцlуь тушир ятара яшамиш жезва. Ам Папуа-Новая Гвинея уьлкведизни акъатнава. Адан тафаватлу кьетlенвал ам я хьи, и балугъдин сарар инсандин сарариз гзаф ухшар я. Паку балугъди тlуьниз набататар ва кlерецар ишлемишзава. Мягькем рекьверин куьмекдалди, адавай кlерецар са четинвални авачиз хаз жеда.
Пакудин яргъивал 108 сантиметрдив кьван агакьун мумкин я, амма, адет яз, адан яргъивилел 70 сантиметр кьван жеда; и жуьредин балугърин заланвал 40 килограммдив агакьда. Адетдин балугърилай тафаватлу яз, пакудин вилерни екебур я. Абур чlулавбур, рагъулбур ва рехибур жеда.
Алимри паку йиртижи балугърин килфетдай яз гьисабзава. Амма паку ажугълу балугъ туш. Паку США-да гьайванрин туьквенрай маса гузва. Амма кlвале аквариумда и балугъ хуьзвай ксари ам еке хьайила мукьув гвай вирериз ачух хъийизва.
Гьазурайди — Куругъли Ферзалиев
