Мергьяматлувилин “ЛЕКИ” фондуни Сулейман-Стальский райондин администрациядихъ галаз санал алай йисан 28-октябрдин сятдин 10-даз Вини Стlалрин юкьван мектебда Кьиблепатан территориальный округдин мектебра 9-11-классра кlелзавай аялрин арада, лезги литературадин классик Етим Эминан 180 йисаз талукьарна, лезги чlалай ва литературадай олимпиада кьиле тухуда. Иштиракчияр гьа йикъан сятдин 8-далай 10-дан зуралди регистрация ийида.
Олимпиада кlелзавайбурун кьатlунар еримлу авунин, яратмишунрин кlвалахда абурун гьевес хкажунин, лезги чlалаз вини дережада итиж ийизвай, чпихъ алакьунар авай аялар винел акъудунин ва хайи чlал машгьур авунин макьсадралди кьиле тухузва.
Олимпиадада иштиракайбурун арадай 18 гъалибчи хкяда. Абуруз ва хъсан чкаяр кьурбуруз грамотайрилайни дипломрилай гъейри, мергьяматлувилин “ЛЕКИ” фондунин патай пулдин премияр ва савкьатар гуда.
Тешкилатчияр
