14-октябрдиз Мегьарамдхуьруьн спортдин комплексда 2006-2007-йисара дидедиз хьайи жегьилрин арада кlвенкlвечивал патал азаддиз кьуршахар кьунай акъажунар кьиле фена. И гьакъиндай «Лезги газетдиз» райадминистрациядин пресс-къуллугъди хабар гузва.
Акъажунар ноябрдин вацра Советрин Союздин Игит Абас Исрафилов рикlел хкуниз талукьарна азаддиз кьуршахар кьунай кьиле фидай турнирдиз викlегь спортсменар хкягъунин макьсаддалди кьиле тухвана.
Кlвенкlвечивал патал кьиле тухвай акъажунра Мегьарамдхуьруьн, Ахцегь, Докъузпара районрай, Белиж поселокдай ва Дербент шегьердай 100-далайни гзаф жаван спортсменри иштиракна.
Жуьреба-жуьре заланвилерай агалкьунар къазанмишай спортсменар грамотайралди ва талукь тир дережадин дипломралди къейдна.
«Лезги газет»
