Махачкъала шегьердин Советский райондин ветеранрин Советдин председателдин заместитель, машгьур журналист ва эколог, аялар патал кхьенвай суьгьуьрдин махаринни гьикаяйрин автор, РД-дин культурадин лайихлу работник Ражаб  Велиметович Тагьирбеговаз:

Ашукьди яз тIебиатдин сирерал,

Ваз женнет хьун кIанда хайи чилерал.

Гьа кар патал руьгьдин ялав, кIанивал

Серфна, гьайиф текъвез рикIин къенивал.

Радиодин кьиле хьана, чIал хвена,

Чи дамарра чи ивидин звал хвена.

Гила кардал машгъул я агъсакъалрин,

Кьуьк язава асиррин куьк маргъалриз.

Мад давамра ишигъ алай рехъ жуван,

Къалур тийиз  галатунин гьекь жуван…

Ви 75 йисан юбилей тебрикзавай “Лезги газетдин” редакциядин коллектив.