Докъузпара райондин Россиядин ОМВД-дин полициядин векилри чкадин агьалийрихъ галаз чпи тухузвай кIвалахдин гьахъ-гьисаб гун адетдиз элкъвенва. Нубатдин гуьруьш алай йисан 6-сентябрдиз Мискискарин хуьруьн агьалийрихъ галаз кьиле фена.

КIватl хьунин мярекатда «Ахтынский» МО-дин (Россиядин ОМВД) полициядин начальник Р. Хаспулатова, «Ахтынский» ПДН-дин ва УУП-дин начальник В. Алиева, Мискискарин хуьруьн кьил Ш. Магьарамова, Мискискарин хуьруьн участок таъминарзавай Ш. Саидова иштиракна. Ширин Саидова 8 вацран гьахъ-гьисабдин делилар чешнедиз гъана. Ада докладда къейдзавайвал, чи райондай «Ахтынский» ОМВД-дин серенжемрин учетда 375 кас ава. Абурукай 49 кас Мискискарин хуьряй я. Гьа жергедай яз, 15 – ацукьна хтанвайбур, 4 касни шартIуналди; Ичкибазар, наркоманар авач. КIвалера къал-макъал акъудзавайбур – 9 кас, руьгьдин азардик начагъбур – 8 кас. Административный гуьзчивилик квайбур авач.

Хуьре общественный къайда хуьзвайбуру датIана аялрин маканар, кIелзавай чка, инсанар санал кIватI жезвай майданар гуьзчивилик кваз хуьзва, агьалийрихъ галаз гъавурдик кутунин кIвалах тухузва. Ш. Саидова гуьруьшдин эхирдай гьихьтин дуьшуьшра полициядин отделдиз зенг авуна кIандатIа, агьалияр тагькимарна.

«Лезги газет»