15-июлдиз Ахцегь райондин Чеперин хуьре лезги халкьдин машгьур регьбер, дагъвийрин азадвилин женгерин кьиле акъвазай кьегьал хва Гьажи Давудан экуь къаматдиз бахшнавай мярекатар кьиле фида. Идакай «Лезги газетдиз» Гьажи Давудан тIварцIихъ галай фондунин пресс-къуллугъди хабар гана.
Мярекатрин сергьятра аваз, аялрин арада виридалайни хъсандиз Къуръан кIелунай конкурс, спортдин милли жуьрейрай акъажунар тешкилда. Гъалибчийриз дипломарни савкьатар гуда.
Тешкилатчийри ашкъи ва мумкинвал авай гьар са ватанэгьлидиз Гьажи Давудан экуь къаматдиз бахшнавай мярекатра иштиракуниз эвер гузва.
Чи мухбир
