16-18-майдиз Каспийскда, Къ. Къурамегьамедован тIварунихъ галай физкультурадинни сагъламвал мягькемардай комплексда, джиу-джитсудай Дагъустандин Кубок патал акъажунар кьиле фена. Ана республикадин са жерге районрай ва шегьеррай тир спортсменри яшарин ва заланвилин са шумуд категориядай чпин устадвал къалурна.
Абурун арадай яз, Ахцегь райондин «Многофункциональная СШ» МБДО-да тренер, дуьньядин чемпион Эйнар Экберован гъилик вердишвилер къачузвай жаванрин команда 2-чкадиз ва Дагъустандин Кубокдиз лайихлу хьана. Кьилди къачуртIа, Мугьаммад Абдулгьалимов (44 кг), Алан Абдурагьманов (25 кг), Абубакар Байрамов (23 кг), Жамил Букаров (32 кг), Камил Адилов (40 кг), Исламудин Алиев (69 кг), Мамед Садикьов (69 кг) Мегьамедрасул Хасплатов (44 кг), Ислам Айдунбегов (40 кг) — 1, Иса Пашаев (36 кг), Агъамед Гуьлметов (40 кг), Замир Амрагьов (23 кг), Алихан Къурбанисмаилов (44 кг), Саид Мусаев (40 кг), Жамал Букаров (52 кг), Юсуф Гуьлметов (25 кг), Абдулхаликь Садикьов (69 кг), Мурад Пирмамедов (25 кг), Расул Гьасанов (28 кг), Халид Букаров (36 кг), Гьажи Лачинов (69 кг), Мурад Хударов (32 кг), Эсгьеди Сагьиров (21 кг), Карим Агьмедов (52 кг), Жабраил Зугьрабов (32 кг) — 2, Ибрагьим Алиев (77 кг-дилай виниз), Ислам Байрамбегов (62 кг), Жафар Самедов (25 кг), Карим Жарулаев (62 кг), Рамазан Хударов (62 кг), Карим Султанов (77 кг-дилай виниз) 3-чкайриз лайихлу хьана.
Къуй чи жаванрихъ мадни еке агалкьунар хьурай!
Рагнеда Рамалданова
