Самур округдин Гъугъванрин хуьре дидедиз хьана. Филерин ирид йисан школа куьтягьна, Дербентда педучилищеда, ахпа Дагъустандин пединститутда кIелна. 1924-йисуз Гъугъандал сифтегьан школадин сад лагьай муаллим хьана.
Пенсиядиз фидалди, Докъузпарадин, гуьгъуьнлай Мегьарамдхуьруьн районрин школайра кIвалахна. Гьеле педучилищеда кIелзавай йисара А. Гьамидова сегьнедин эсерар кхьиз эгечIна. 1930-йисуз адан «Мегьридин шеле» пьеса хуьре клубдин сегьнеда эцигна. И вакъиадикай «ЦIийи дуьнья» газетди хабар гана. Дагъустандин писателрин союздай пьеса къимет гуз ва редактура авун патал А. Фатагьовав вугана. Ада 1931-йисан 11-мартдин газетдин нумрада чапнавай вичин рецензияда кхьенай: «Юлдаш А. Гьамидован эсер за лезгияр патал тамамди, менфятлуди яз гьисабзава ва Даггиздиз ам акъудун меслятзава».
«Лезги газетдин» 2026-йисан 12-нумрадай.
