Хайи Ахцегьа школа куьтягьай ам Бакудиз фена, инкъилабдин гьерекатрик экечIна, «Азербайжандин кесибар» газетда кIвалахна. Сураханада лезгийрин халкьдин театр­дин тамашайра артист яз къугъвана, режиссер ва художникни­ хьана. 1925-1928-йисара Ленинграддин­ университетда рагъэкъечIдай патан чIала­рин факультетда кIелна.

Ватандиз хтайла, ам «Шура Дагъустан» газетдин редакторвиле тайинарна. Шагьдагъви Малик шииррин («Билбил», «Къайнар булах», «Дидедин сурал» ва мсб.) ва пьесайрин («Инкъилабчи Агьмед», «Дагъдин лекьер», «Маргъал», «Тарлан» ва мсб.) автор я. Адан пьесаяр Лезги театрдин сегьнедилай гзаф йисара къалурна. Гьахъсуз судрик-дуванрик акатай Малик 1957-йисуз рагьметдиз фена.

«Лезги газетдин» 2026-йисан 12-нумрадай.