Ватан хуьзвайбурун йикъаз талукьарна, Ахцегьа райондин идарайра кIвалахзавай итимрин командайрин арадани волейболдай турнир кьиле фена. Райондин кьил Абдул-Керим Палчаеван теклифдалди тешкилнавай акъажунрин макьсад спорт ва активный уьмуьр кьиле тухун машгьурун тир.
Итижлудаказ кьиле фейи къугъунра Россиядин МВД-дин Ахцегь районда авай отделдин команда — 1, райондин администрациядин команда — 2 ва Ахцегьрин В. Эмирован тIварунихъ галай 2-нумрадин СОШ-дин команда 3-чкайриз лайихлу хьана.
Абуруз кубокар ва медалар гана.
Рагнеда Рамалданова
