Са шумуд югъ идалай вилик Грозный шегьерда Кеферпатан Кавказдин федеральный округдин кIвенкIвечивал (СКФО) патал 23 йисал къведалди яшара авай жегьилрин арада кьиле фейи акъажунра Рамин Баязова 1-чка кьуна.
ИкI, 90 кг-дин заланвал авайбурун арада Кабардино-Балкариядай тир Ролан Кунижевахъ галаз финалдин бягьс вахт куьтягь жедалди акьалтIаруналди, чи ватанэгьлиди инанмишвилелди гъалибвал къазанмишна. Вичин ери-бине Мегьарамдхуьруьн райондай тир, тренер Сабир Айвазован гъилик устадвал хкажзавай Р. Баязов алай вахтунда акъажунриз Ставрополдин крайдин патай экъечIзава.
Рагнеда Рамалданова
