И мукьвара «Мавел» издательствода А. Межидова (Сардар Абила) «Гьаким Къурбанан дуьнья» ктаб чапдай акъудна. Адакай заз жуван гафни лугьуз кIанзава. Гьеле 1961-йисуз чапдай акъатай Къ. Акимован «Самурдин либасар» очеркдин саки са паюна зи буба, рагьметлу Саидов Абдуллагьакай (Гилийрин хуьр) суьгьбет физва. Адан къамат эсерда са жизвини дегишвал авачиз ганва.
А. Межидован ктабдай чаз аквазвайвал, сифте нубатда Халикьан хва Къурбанакай къенин ватандаш, бажарагълу писателни алим авурди адан бубайри тухвай залан шартIарин уьмуьр я. КIватIалдай писатель йикъалай-къуз «дигмиш» жезвай рехъ аквазва. Къурбан муаллимдин бахт я, адаз савадлу диде-буба, шейхерин магьле, гъил-чин ачух къуншияр, камаллу агъсакъалар, абурун рухваяр, вафалу ярар-дустар хьун. Гзаф терефрин алакьунар авай жегьил алимди, писателди ихьтин дуьзгуьн шартIарикай менфят кьачун тавун еке гьалатI жедай.
Гьаким Къурбанан илимдин, яратмишунрин рекьери а кардин гьакъиндай шагьидвалзава хьи, адан дуьнья гегьенш я, лезги халкьдин вилик квай месэлаяр гьялун патал адаз еке эсерар кхьин чарасуз яз акуна. Квехъ мадни еке агалкьунар хьурай, гьуьрметлу Къурбан муаллим!
Алаудин Саидов,
Мегьарамдхуьр
