Дагъустандин Гьукуматди алай йисан 16-сентябрдиз кьабулнавай къарардалди, 1-октябрдилай республикадин идарайра кIвалахзавай къуллугъчийрин мажибар 4,5 процентдин хкажда. РД-дин Гьукуматдин Председатель А. Абдулмуслимован къул алай къарарда къалурнавайвал, мажибар хкажунихъ галаз алакъалу харжияр республикадин бюджетдин такьатрин гьисабдай кьилиз акъудда.
Гьа са вахтунда и месэла 2012-йисуз чпин гьакъиндай РФ-дин Президентдин указар («О мероприятиях по реализации государственной социальной политики» — 7-май, № 597, «О Национальной стратегии действий в интересах детей на 2012-2017 годы» — 1-июнь, № 761 ва «О некоторых мерах по реализации государственой политики в сфере защиты детей-сирот и детей, оставшихся без попечения родителей» — 28-декабрь, № 1688) къуватда гьатайбуруз талукь жезвач.
Чи мухбир
